EMANSIPASIE (ONTVOOGDING) EN DIE BOER

by edwin | Jun 27, 2023 | emansipeer

EMANSIPASIE oftewel “EMANCIPATION” is ‘n term wat baie wyd en losweg gebruik word in Suid Afrika, die afgelope paar jaar, en dit is tans weer baie hoog mode.

1. WAT IS EMANSIPASIE ?

Wat beteken “emansipasie”
Dit is die otvoogdingsproses waarmee bv. ‘n “minderjarige” (in Suid Afrika iemand onder ouderdom 18) hom/haarself “mondig” verklaar en verklaar dat hy/sy in staat is om hul eie sake en erfenis te bestuur en dus by die Hof aansoek doen om “mondig” verklaar te word (dit is, sonder ‘n “voog”)
Elke persoon met ‘n geboortesertifikaat is ‘n “ward of State”, d.w.s. onder voogdyskap van die Staat (d.w.s. onder beheer van die Hof en Staatsamptenary, om bestuur te word na gelang politici besluit – met nog ander woorde, slawe)

2. ZAR EMANSIPASIE/ONTVOOGDING en ROMEINS-HOLLANDSE GEMENE REG

Emansipasie (ontvoogding) is die proses waarmee ‘n individu kennis gee aan sy Staat (oftewel, “eienaar”) dat hy nou “vry” (“soewerein”) is en selfstandig, dus NIE onder Staatsheerskappy nie. Dieselfde geld vir Volke. Die ZAR emansipeer jou as individu, en jy voeg jouself vrywilliglik (sonder om afstand te doen van jou soewereiniteit) as VRYE man/vrou by die VOLK van die ZAR . Volgens ZAR proses word jy eers individueel d.m.v. skriftelike kennis aan die Staat ge-emansipeer en dan voeg jy jou skriftelik by die ZAR Boervolk, dus, by die erfgename van die Zuid Afrikaansche Republiek (en Oranjie Vrijstaat), die Boerrepublieke wat in 1902 deur die Britse Ryk (onwettig) militêr en by wyse van volksmoord (op die Boere) afgeneem is en vernietig word. Volgens die 1902 “Vrede” van Vereeniging en daaropvolgende anneksasie was die Boerrepublieke sedert 31 Mei 1902 dus Britse besitting, daarna ‘n “kolonie” (Unie van Suid Afrika), en daarna ‘n “Republiek” – alles TESAME met die res van die huidige Suid Afrika, die Bantoegronde ingesluit. Ons was Britse slawe…

Kragtens Resolusie 1514 van die VVO moes die Britse Ryk daardie “kolonies” weer aan die regmatige eienaars van die grondgebied (te wete, die Boervolk) teruggee, maar weens Dr. Hendrik Verwoerd se gekonkel is Suid Afrika in 1961 verklaar as onafhanklike gebied, en daar is nooit voldoening gegee aan die Res. 1514 nie – die Swart volke het hul grond teruggekry, maar nie die Boere nie. Ons was “Suid AFrikaanse” slawe …. Ons, die ZAR, b.w.v. ons proses, ontvoogd die slawe, en maak hul vrye, soewereine mans en vrouens. Ons voeg hul bymekaar (steeds soewerein) as Boere (indien hul die regte afkoms het) sodat hul hul erfenis kan terugkry (volgens Volkereg) en daarmee handel soos hul goeddink, en so oor hulself regeer. Ons beskik oor ons eie Taal, reeds voorheen Internasionaal erkende grondgebied, eie kultuur, eie ZAR Volkshof, ens. – alles elemente wat nodig is om as onafhanklike Volk oor onsself te beskik, kragtens die RSA Grondwet van 1996 se Artikel 235… Ons (die ZAR) gebruik soos altyd die Romeins-Hollandse gemene regstelsel, te wete dieselfde stelsel wat in 1652 deur Jan van Riebeeck na Afrika gebing is en steeds geld in Suid Afrika, Lesotho, Swaziland, Namibië, Botswana ens., met uitsondering van verskeie stamme se eie stamreg asook volgens die stelsel geëvouleer het sedert Van Riebeeck se tyd tot vandag. Dit is NIE ‘n gekodifiseerde (neergeskrewe ) Wet nie, maar “gebruiksreg”, soos algemeen reg aanvaar, bv. diefstal, moord, bedrog ens. is verbode, en die algemeen aanvaarde norm vir regspleging is regverdigheid en logika.

3. “EMANCIPATION” (ANDERE) en “COMMON LAW”

Daar is ook ander “emansipasie”vorme in omloop. Dit is grotendeels geskoei op vorme wat in die Britse invloedsfeer geld, te wete waar die Anglo Saksiese “Common Law”( insgelyks ‘n “ongeskrewe” stel rëels) gebruik word – die “Common Law” was egter NOOIT deel van die Suider Afrikaanse opset nie, en word eksklusief gebruik in lande soos die Verenigde Koninkryk, Kanada, die VSA, Australië, Nieu Seeland ens.. Dit rus swaar op presedente, en vorige hofuitsprake word baie meer as die geldende norm beskou as in Romeins-Hollandse reg, wat dit soms baie onregverdig en onlogies laat. Ook is dit vreemd aan Suider Afrika, waar dit nooit inslag gevind het en bedryf is nie – die Britte het hoofsaaklik hul Prosesreg (hoe strafhowe bedryf word) en Strafreg (hoe strawwe toegedeel en uitgevoer word) in die ou semi-Hollandse stelsel aan die Kaap en in die ou Boererepublieke ingebring en toegepas –gemene reg was steeds beskou as Romeins-Hollands, en is inderdaad vandag nog die geval.

4. “EMANCIPATION” en jou CQV TRUST

Die nuwe “Emancipation” mense maak baie staat op beskikbaarmaking van die individu se “ces’t que vie trust” aan die individu. Ons het nog nie een geval gesien waar dit wel werklik toegepas is nie, maar die moontlikheid daarvan bestaan, en ondersoek word wel ingestel daarna. Sekere persone beweer dat hul al jou skuld (kredietkaart, verbandlening, oortrokke bankrekening, ens. ens,.) sal aflos b.w.v. hul “emancipation” – dit is uiters onwaarskynlik en sekerlik ‘n foefie – wie gaan “betaling” b.w.v. ‘n “promissary note” aanvaar (soos die “emancipators beweer hul doen) wanneer hul hul harde geld of eiendom kan kry, en veel wins daarop maak? Banke weier deesdae sodanige “promissary note” betalings.. Een “emancipator” beweer dat sy vir jou ‘n “Express Trust” open – in die Hooggeregshof van Suid AFrika. Interessant – sy het jou sopas BY DAARDIE SELFDE HOF ge-“emancipate”, nou stig sy vir jou ‘n “trust” daar, waar “alle belastings ens. deur jou betaal sedert jy 18 jaar oud was inbetaal word, en dan deur JOU beheer word (en kastig ook jou Munisipale rekenings ens. gaan betaal !) .. nie juis geloofbaar nie.. Ook “deregistreer” sy jou by die Suid Afrikaanse Inkomstediens (SARS) SONDER JOU INKOMSTEBALSTINGNOMMER en, as bewys, stuur sy vir jou ‘n “kennisgewing” van die RSA Hoogeregshof wat ‘n Saaknommer bevat (wat SARS TEEN jou maak) as “bewys” van deregistrasie – gaan SARS werklik hul belastings en boetes (van die verlede, hede en toekoms) so maklik afskryf en laat gaan ? En waarom maak hul dan ‘n saak teen jou, as jy nie meer belastingpligtig is nie ? En dan word jou “Trust” nog deur dieselfde Hooggeregshof (waarvan jy geëmansipper is!) bedryf ? Sinneloos….

5. INDIVIDUE EN “EMANCIPATION”

Ek gaan nie uitbrei op die selfpromoverende praatjies waaarin hierdie dame (asook haar kollegas) uitwei oor hulself en hul “regskennis” nie – genoeg om te sê dat dit duidelik delusionêr is, en dat ek nog nooit van so ‘n instelling gehoor het wat sodanige “regs”-studies aanbied nie. Of van die “kwalifikasies” kamstig verwerf/in proses van verwerwing nie.
Oor die individue gemoeid met hierdie “emancipation” kan ek net sê dat daar talle is, en meesal met baie slegte reputasie en/of twyfelagtige agtergrond en voet waarop hul staan, volgens hul eie uitlatings. Een word beskou as ‘n voorste bedrieër. Nog een is ‘n skaduagtige, waarskynlike Afrikanerbonder. Nog een is ‘n beweerde (bewese ?) Nasionale Inligtingsagent. NOG een wil nie sy naam gee nie, maar beweer hy “emancipate” mense onder die “Supreme Court of Alaska (wat beteken VSA) m.a.w. hy “emancipate” jou UIT die Republiek van Suid Afrika binne-in die Verenigde State van Amerika .. Sinloos. Ook hy het gure reputasie weens die mense met wie hy graag handel.

6. ZAR EMANSIPASIE (ONTVOOGDING)

ZAR Emansipasie (ontvoogding, om Dr. Lucas Booysen se woorde te gebruik) is om die ZAR Boere weer vry te maak en te kry om hul Volkereg weer op te neem en hul erfenis weer terug te kry – nie om van lawwe belastings en lisensies ens. NOU ontslae te raak nie. DIT kan ons doen wanneer ons weer in beheer is van ons grond, ons Boerstaat.

7. INLIGTINGSINISIATIEF ?

Bogemelde “emancipation” inisiatiewe is waarskynlik ‘n NIA of MID gedrewe inisiatief om die Emansiepasieproses onguur en verdag te maak en mense daaraan te laat twyfel – die Emansipasieproses per se is nie onwettig nie (al beweer sommige persone so) en ons almal gebruik naastenby dieselfde dokumentasie. Wat ons AANBIED daarvoor verskil egter erg. Die “emancipators” en hul trawante bied jou heelwat vleispasteitjies in die wolke aan – ons (die ZAR) bied jou aan ‘n geleentheid om jouself as Boer te identifiseer en eien, en tesame jou erfenis op te neem.

Emansipasie zarboervolk

Emansipasie

“Mene, mene, tekel ufarsen ..”

by edwin | Feb 2, 2022 | Boer of Afrikaner, emansipeer, Verraad, volkshof

“Mene, Mene, Tekel Ufarsen..”

1 Februarie 2022

“Mene, mene, tekel ufarsen ..”

Die oprys en val van die gewaande heersers oor die ZAR Boervolk … soos brooddeeg het hul opgerys, uitgedy en hulself grootgemaak, soos ‘n pap koek in ‘n oond het hul platgeval en gevou toe die oonddeur oopgemaak word en hulle bekyk word, van buite .. net ‘n nare, platgevalde halfgaar degerige gemors het oorgebly, stille getuienis van die limbo waarin egosentriese en selfsugtige optrede diegene laat beland wat die ZAR Boervolk tot skade wil bring.

Mene, mene, tekel ufarsen

Oor die sage van die stigting en te werde bring van die ZAR (oftewel Zuid Afrikaanse Boere Republiek, die ZABR, een en dieselfde ding) is daar al veel geskryf. Oor Dave van den Bergh en Jan Diederiks se aanname dat alle Boere onnosel is, oor hul uitbuiting van die situasie en geheul met volksvreemdes en allerhande ongure elemente, hul poging om die ZAR Boervolk weer onder vreemde jurisdiksie te plaas .. die Boervolk, wat slegs die Almagtige Vader, Skepper van Hemel en Aarde erken as Oorheerser .. oor hoe Marius Roos deur hul skyn gesien het, deur die vervalsing van dokumente, deur die ongemagtigde aanstellings van volksvreemdes en skaduagtige karakters, deur die pogings om die zarboervolk.com webtuiste te kaap, vir hulself, en hul waarskynlike volksvreemde meesters .. Hoe Marius Roos steeds die ZAR Boervolk probeer emansipeer het (en veel reggekry het !) totdat die tweespalt te groot geword het, die Boere keelvol geword het en ‘n Volkshof saamgestel het (die eerste in 119 jaar !) en die hele ZAR Tribunaal van Roos, Van den Bergh en Diederiks voor die Hof gedaag het, waar ‘n jurie van twaalf soewereine Boere, uit verskillende streke van die ZAR, EENPARIG Marius Roos onskuldig bevind het en in sy amp herstel het, en ook Van den Bergh en Diederiks deur skuldig bevind het aan verraad en onbevoegheid, en hul dan ook lewenslank geskors het uit die ZAR Boervolk…. Die Hofverrigtinge kan op die Internet gevolg word op skakel (hof-saak) Ook die bewysstukke is beskikbaar vir naspeuring – ons hou nie geheime in die Gemene Reg nie.. skakel (Bewysstukke)

Die stelling aan Dave van den Bergh, Jan Diederiks en hul trawante was duidelik – “ mene, mene, tekel, ufarsin” (“Julle is geweeg en te lig bevind”)

Die ZAR Boervolk het hulself daarna ge-organiseer, ‘n nuwe Tribunaal is verkies, en die werk het begin – om die ZAR Boervolk te organiseer, emansipeer en vry en soewerein te maak.

Ongelukkig het sekere elemente nie hul neerlaag aanvaar nie, maar, onbeskaamd soos Jacob Zuma en Kie., veral op die Internet en sosiale media voortgegaan om, op uiters onsmaaklike wyse, hul weergawe van gebeure te “spin” – ten spyte van al die bewyse tot die teendeel, reeds in die openbaar, het hul skaamteloos en gewetenloos hul leuens en fantasiëe herhaal, ad nauseam .. Dave van den Bergh het die grootste boel twak denkbaar kwytgeraak, die mistieke “Brother Thomas” (waarom ‘n skuilnaam ? Steek hy iets weg ?) van die SAJA het gefemel en geswymel, Mario Cockrell het sy mond uitgespoel.. gelieg, gedreig en in die algemeen ‘n krater van homself gemaak, soos net hy kan, en gelaster en sleg gesê en natuurlik gelieg soos ‘n tandetrekker. Sekere afvallige en ontevrede (en, dalk, baie naïewe) ZAR-mensies het hulle “geglo” (of dalk ‘n geleentheid gesien ?) en die ou spul wat hulself verenig met die LBGT-kultuur en allerhande snaakse “minderheidsgroepe” aangehang .. (ook uitgesproke Kommuniste is, soos sangomas en Rastas en “magic mushroom”-eters in die SAJA se geledere ! …. Nie ons mense nie. Hul mag maar weggaan )

Daar is ‘n lang lys probleme veroorsaak deur Van den Bergh, Diederiks, Cocrell en andere – tog het die ZAR Streeksvergadering en ZAR Tribunaal koers gehou en die ZAR in momentum gehou, aan die groei gehou, en sal dit altoos doen, terugslae, veranderinge (in personeel) en kritiek van uitgewekenes, ten spyt.

Wie IS hierdie mense ? Dave van den Bergh is aan die meeste bekend, ‘n afgetredene wat op Wildernis woon, met ‘n baie interessante Facebook profiel … nie juis wat ‘n mens ‘n Boereleier noem nie.. Jan Diederiks was oënskynlik baie beter, maar sy assosiasie met Dave en andere het hom onder ‘n skadu laat beweeg, waarvan hy nie poog om ontslae te raak nie.

Maar bogemelde twee persone is/was darem ge-emansipeer – vermoedelik in die ZAR, alles dui daarop. Dieselfde kan nie van Mario Cockrell gesê word nie. Geen rekord van sy sg. “emansipasie” bestaan in die ZAR dokumentasie nie, hy kan geen ZAR ID voorsien nie – dus, ‘n duister boek om te lees …. Met geen bona fides sover dit die ZAR aangaan nie, behalwe sy assosiasie met die verbande verraaiers Van den Bergh en Diedriks en hul selfaangestelde groepie “heersers” oor die ZAR Boervolk. “Dr.” Leunis van Rooyen het wel probeer om te emansipeer, maar sy selfgeskrewe bewys van bediening van sy gewaande (vermiste) emansipasiedokumente is nie aanvaarbaar nie, dus is sy deel aan die ZAR nog duister …

Die ZAR (ZABR) is ‘n soewereine, suiwer Volksbeweging van die Zuid Afrikaanse Boervolk, wat hulself beywer vir die soewereine bestaan van die ZAR Boervolk op hul erfregtelike grond, onder die Almagtige Skepper van Hemel en Aarde as Alleenheerser. Hul vra en aanvaar geen ander gesag as die strukture deur hulself daar gestel, onder die Almagtige. Geen mensgemaakte gesagsliggaam of samekoms of organisasie, van watter aard ookal, sal enige reg of gesag oor hul verkry of mag uitoefen nie. Hul erken die gesag van die ZAR Volkshof, die enigste Hof in sitting, soos daargestel deur die ZAR Boere in Julie 2021. Hul sake word bedryf deur die ZAR Streeksvergadering, soos aangestel en verkies deur die ZAR Boere, wat op hul beurt die ZAR Tribunaal (verkies uit die Streeksvergadering se geledere) belas met die administratiewe bestuur van die ZAR, wie dan ook verslag moet doen aan en verantwoordbaar is teenoor die ZAR Streeksvergadering.

Die ZAR vertoon slegs die simbole en vlae geassosieer met die Zuid Afrikaanse Boervolk, en geen ander tekens of prentjies nie – geen “duif” van “Gift of Truth”, geen simbole van aardsgodsdienste of aardsvereenigings soos SA Jural Assembly nie, geen “Internasionale” gesagsliggaam soos deur daardie mense voorgestel nie – dit is vir die ZAR en sy Boere onaanvaarbaar en heiligskennis.

Daar is EEN ZAR . Ook genoem die ZABR (Zuid Afrikaanse Boer Republiek) oftewel Zuid Afrikaansche Republiek, oftewel Zuid Afrikaanse Republiek. Dit omvat ALLE Boer Republieke ooit gestig, vanaf die Swellendamse en Graaff-Reinetse Republieke in 1795 tot en met die Maritz-Republiek in 1914, insluitende die pletora kleiner Republieke wat in Suider Afrika (en ook elders !) onstaan het, namate ons Boere hul Vryheid probeer verkry het.. die beperkings opgelê deur die geskiedkundige Sandrivierkonvensie en Bloemfonteinkonvensie (dat die Boere Republieke nie mag verenig of in buitelandse beleid saamwerk nie) word verwerp, soos wat die Oranje Vrystaatse en Zuid Afrikaanse Republieke dit verwerp het in die Britse Empire se volksmoord-oorlog 1899-1902. Geen ander ZAR bestaan of het bestaansreg nie. Geen ander beamptes van die ZAR is aangestel as die ZAR Streeksvergadering of ZAR Tribunaal (soos aangewys deur die ZAR Streeksvergadering) nie. Geen selfaangestelde “Kommissaris” of “Regter” of “Treasurer” of “Protector of the Boervolk “ (sic) bestaan buite die drome van diegene wat ons ZAR wil kaap, oorneem en ondergeskik stel aan buitelandse en volksvreemde gesag nie…. Die Boere regeer oor hulself !!

Op las…

1 Februarie 2022

Zuid-Afrikaansche Republiek – Tribunaal